鍾嘉欣贊成閃婚爆苟芸慧有嫁期


2017-03-27 07:00

跟蹤提及過的人和物:

上一則新聞: 陳錦鴻游走街市買餸氹仔

 

藝人鍾嘉欣(Linda)昨日到銅鑼灣出席活動,對於好姊妹苟芸慧(苟姑娘)獲賽車手陸漢洋力追,Linda說:「佢話了解中,太好喇!我見過陸漢洋,佢好爽、好叻,如果佢哋有機會發展,我相當支持。(佢話視苟姑娘為結婚對象?)一個男士公開咁講,係好有誠意嘅事,希望佢哋開花結果!(陸漢洋為苟姑娘個靚仔賽車教練呷醋?)我估佢講笑啫!(贊成苟姑娘閃婚?)結婚係個感覺嚟,佢都到咗適婚年齡,如果認定到結婚對象,閃婚唔緊要,我自己都算係快結婚,OK(口架)!(苟姑娘問咗你幾時得閒做姊妹?)冇喎,佢慢熱啲,應該唔會係今年。」

泵定三十包奶壞晒



Linda又說:「我之前嗰次返香港,泵咗三十包奶放喺冰櫃,點知冰櫃壞咗,今次返嚟啲奶變壞晒,囡囡要食住奶粉先,佢唔係第一次食奶粉,佢好鍾意,因為唔同味道,同埋佢好鍾意揸住個樽,覺得自己係大人!我之前忙為個女報學前班,估唔到加拿大都咁緊張,好忙好多嘢搞。」

文:影視組

贊助商:

討論:
分享: