冇特權放假劉心悠捱完先抖


2017-03-29 07:00

跟蹤提及過的人和物:

上一則新聞: 陳展鵬被惡搞死訊定欣籲冷靜

 

藝人劉心悠及蕭正楠昨日出席無綫新劇《宮心計2深宮計》拜神,心悠被指因休息而令其他演員被迫趕戲迎合她的檔期,她直認有一、兩日假期,但否認享有特權:「最辛苦係影視展嗰兩日,瞓得幾個鐘!我都有問馬國明點捱,都係之後有休息番,依家做咗個幾月TVB人,就愈似TVB人,梅小青對個個都好細心,踩完一輪會補番!唔係淨係我有假放!」她又指試過太攰講對白時講錯英文。

而之前開工傷腳的蕭正楠透露軟組織受傷,直言受傷時聽到啪一聲擔心斷韌帶,被問到女友黃翠如可有煲補湯給他飲?他搞笑說「我驚飲完會嚴重咗喎!」

贊助商:

討論:
分享: