熊黛林夫婦Un床擺陣搶生B


2017-03-29 07:00

跟蹤提及過的人和物:

上一則新聞: 半工讀忙爆朱千雪唔覺有人追

 

天王郭富城入紙迎娶上海嫩模方媛,舊愛熊黛林亦大方送上祝福。事有湊巧,她昨日拖着老公郭可頌出巡「示威」,十指緊扣揀大床,期間兩人坐在床上Un不停,實行揀定靚床積極造人,搶先舊愛生BB。

郭富城與拍拖年多的女友方媛(Moka)入紙申請結婚,與他拍拖七年最終還是分手收場的舊愛熊黛林(Lynn)亦早已有着落,去年極速下嫁相戀一年多的郭可盈弟弟郭可頌。成為郭太的Lynn前日被問及舊愛城城結婚一事時仍大方送上祝福。不過,呢頭向舊愛送完祝福,嗰頭Lynn就急急與老公雙雙出巡晒幸福「示威」。

揀埋餐枱準備添丁



昨午約4時,Lynn與郭可頌拍住拖前往銅鑼灣,戴上口罩的她與老公前往該處一間傢俬店,兩人先往揀餐枱,期間郭可頌不時以手機拍下心頭好。轉個頭,他倆又往揀大床,婚後一直表示恨生BB的Lynn金睛火眼挑選靚床褥,似乎想揀啱張靚床有利造人。見她先坐於床上Un不停試彈性,又示意老公坐低齊齊Un,期間兩人不時咬耳仔,全程有商有量。雖然當時引來不少顧客目光,但Lynn一於少理,拖完手又翹實老公,繼續放閃晒恩愛。

及後,Lynn又往研究其他床上用品如枕頭及床單等,看來想擺個「靚陣」博早日生B!兩人最後逗留半個多小時離開,雙雙返歸二人世界。

贊助商:

討論:
分享: