陳嵐爆成龍曾遭勒索:佢攬住我哋喊!


2017-04-02 07:00

跟蹤提及過的人和物:

上一則新聞: 42歲車婉婉順產 誕8磅9混血巨B!

 

早前因女兒卓林報警而被扣查的吳綺莉日前開記者會,自爆經濟陷困境時,也沒收過成龍一毫子,連日來成龍一直對此事三緘其口。昨日成龍好友陳嵐出席活動時開腔力撐,指成龍是一個有情有義之人,更驚爆成龍曾收恐嚇勒索而攬住她喊了多次。

「小龍女」卓林早前因報警一事令兩母女關係陷僵局,日前吳綺莉更在記者會上喊爆。陳嵐昨晚出席活動,她初時以「人哋家事我點講」作回應,但問到成龍作為爸爸是否會負責女兒的學費及生活費?她忍不住開腔護友說:「有人夾硬要生佢(卓林)出嚟,卓林喺成件事裏面係最無辜同最可憐,呢個係佢阿媽嘅選擇,卓林冇得揀,令成龍喺一個兩難嘅情況之下。」

「嗰個人已經『走咗』」



陳嵐坦言不認識卓林,跟對方沒有溝通。至於吳綺莉年前一度陷財困,陳嵐稱不知情,再追問成龍有否給錢對方?她反問:「點畀呢?」之後又肯定說:「將來卓林大個21歲一定會畀,但唔會交畀吳綺莉。」

陳嵐強調成龍是有情有義之人,私下為此事對着他們喊過多次,並大爆成龍曾被恐嚇勒索﹕「佢(成龍)表面咁做(對女兒不聞不問),私下你唔知佢為呢件事喊咗幾多次,佢始終有家室,佢做錯事,老婆又咁撐佢。佢接過恐嚇勒索,攬住我哋喊。(邊個勒索佢?)嗰個人已經『走咗』。」問到金額是否很大時?陳嵐點頭默認。

問陳嵐有否問過成龍這件事?她說:「佢同一班好友傾偈時會深入啲傾,大家都唔知點做。(成龍有冇關心卓林?)我唔可以代答,呢件事對嬌姐(成龍太太林鳳嬌)好唔公平,喺呢個環境都唔知點幫,嬌姐可能都想幫,因為始終係老公個種。」

吳綺莉:我不敢答



此外,就此事向吳綺莉了解,她說:「陳嵐講的說話,我不敢答。」

文:名人組

贊助商:

討論:
分享: