唔再做契媽 鄧麗欣誤爆Miki佗仔


2017-04-03 07:00

跟蹤提及過的人和物:

上一則新聞: 唱鄧麗君名曲一鳴驚人 朗嘎拉姆夢訪歌后墓園

 

鄧麗欣(Stephy)昨日到觀塘出席自閉症活動,期間兩位家長分享經歷,Stephy在台上坦言很感動,要忍住情緒。訪問時提到好友楊愛瑾(Miki)快將生B,Stephy稱未想到送甚麼禮物,至於回應會否做契媽時,她就誤爆對方佗仔:「我已經係兩個細路仔嘅契媽,做太多唔係幾好。(做Miki個女嘅契媽都好?)仔嚟o架,乜唔知嘅咩?」記者對此聯絡Miki求證,但截稿前未有回覆。

另外,Stephy表示首次聽到自閉症兒童家長的分享,又自爆小時候被誤以為有自閉症:「我好少出聲,唔識表達自己,所以好明白唔想表達嘅心情,係唔知點講。」單親家庭長大的她以前覺得自己與其他人不一樣,直至中學時認識到一班性格開朗的朋友才打開心扉。問到如何紓解不快心情?Stephy認為一定要靠自己,不可令自己壓力太大和傷心太久,無論工作與感情都只可以傷心一星期:「要逼自己得到番力量,分散注意力。(同方力申分手都係傷心一星期?)好難講幾耐,總會有唔開心,要諗其他方法,例如做運動,令自己忙啲,唔好記住傷心。」

贊助商:

討論:
分享: