中環出更:難敵七年之癢 田北辰拖六人退黨


2017-04-10 07:00
上一則新聞: 中環出更:陳家偉避迎新營 免畀人玩

 

新民黨副主席兼創黨成員田北辰(田二少)與主席葉劉淑儀(葉太)嘅合作,最終敵不過七年之癢!近日盛傳退黨嘅田二少,據知今日會舉行記者會交代,而與田二少同屬新界西嘅六名區議員亦會一同出走,換言之合共七人一同退黨。據知六名區議員包括荃灣區議員鄭捷彬,屯門區議員朱耀華及蘇嘉雯,葵青區議員徐曉杰及吳家超,以及元朗區議員陳思靜。

冇交代退黨後計劃遭質疑



消息指,田二少向友人透露未來只會做獨立議員,即使搞聯盟亦唔會有名,因為唔想畀人感覺撬人走,不過,亦有人對田二少投下不信任票,據稱與田二少冇交代退黨後嘅長遠計劃有關,包括擔心對方突宣布二○年立法會換屆選舉不再參選,跟其出走嘅人可能變成無主孤魂。

田二少同葉太不和係政圈公開嘅秘密,聽聞二人近年關係大不如前,特別係去年九月立法會換屆選舉後,田二少公開指有意出任立法會主席,葉太冇支持,反而支持非黨友嘅梁君彥;葉太其後要準備特首選舉,田二少顧及情義公開亦有支持葉太,但隨着葉太再次與特首寶座擦身而過,田二少於今日終於宣布退黨,結束六年多新民黨成員生涯。

卓妮

贊助商:

討論:
分享: