高海寧笑點低 被彈嗌痛


2017-04-10 07:00

跟蹤提及過的人和物:

上一則新聞: 林盛斌妻女遭侮辱:請不要傷害我家人

 

藝員高海寧(高Ling)、楊明、莊思明與監製潘嘉德等,前晚於尖沙咀出席新劇《抱佣情人》煞科飯,監製爆料指高Ling與楊明分別出一萬蚊請食飯,認真豪爽!高Ling表示不捨得台前幕後,因為合作得很愉快:「我笑點太低,對住古佬(古明華)同陸永成日忍唔住笑,搞到陸永成日彈我,彈到我痛為止,叫我唔好再笑,等我平復心情。」她又透露將會休息到五月中,問放假時會否出埠享受陽光海灘?她說:「唔得住,背脊仲好多刮痧印,好番先!會返南京探婆婆,因為新年拍緊劇返唔到去。(會否帶緋聞男友鄧智偉去南京?)唔會,婆婆最想見到我!(唔想佢快啲飲孫女婿茶?)佢唔急,佢想我專注事業,希望喺南京嘅電視見到我。」

而楊明拖實女友莊思明現身似足新婚夫婦,他笑說:「到門口見到你哋喺度即刻拖!」楊明透露將與袁偉豪出發到威尼斯和坦桑尼亞拍攝打工節目:「喺威尼斯好似要通渠,非洲可能輕鬆啲,做動物園員工執屎、研究糞便。我好勇敢,除非叫我食咗佢。」

贊助商:

討論:
分享: