【劉生唔啋人?】張學友演唱會有人大叫劉德華 歌神「無聲報復」


2017-04-11 15:26

跟蹤提及過的人和物:

上一則新聞: 老奶奶假裝變魔術 成功惡整丈夫開心大笑

 

歌神張學友入行超過30年,喺上年年尾開始舉行睽違5年嘅世界巡迴演唱會,日前嚟到浙江站,歌神當然吸引唔少粉絲捧場啦!歌神喺演唱會又唱又跳,期間仲落台同歌迷握手,不過喺早兩日就傳出一條影片,影片更加喺微博瘋傳兼瞬間令學友登上熱搜排行榜。

喺影片中,學友一邊唱歌一邊同歌迷握手,期間突然有一名歌迷不停叫佢做另一天王-劉德華,但學友依然面帶笑容。當學友行到去呢位疑似劉德華粉絲面前嘅時候,學友就用搞笑嘅方式「懲罰」佢,就係無視佢嘅存在,直接skip咗佢,同下一位歌迷握手。


學友用呢個搞笑方法去「無聲報復」,唔少網民都覺得好搞笑紛紛留言話佢好專業、機智。不過亦有網民懷疑個把大叫劉德華嘅男聲係後製加上去,話因為把聲太清楚喎。

羨慕mode - 無論條片係真定假都好,歌神演唱會啲飛咁難買,有得入場睇嘅歌迷實在太幸福啦!

贊助商:

討論:
分享: