馬國明享齊人之福


2017-04-11 07:00
上一則新聞: 陳國邦陪「情人」煙韌戲水

 

馬國明昨日出席新劇《心理追兇MindHunter》宣傳,剛為重頭劇《深宮計》連踩二十個鐘拍攝的他明顯攰到爆。不過,馬國明有新歡舊愛呵番,不僅有胡定欣靚湯滋潤,又與黃心穎再歎日本菜撐枱腳,可謂左右逢源,認真梳乎。

藝員馬國明、蔡思貝、王君馨、裕美、湯洛雯等昨日在荔枝角出席無綫劇集《心理追兇MindHunter》宣傳,眾演員玩小型高卡車比賽,但馬國明沒有落場。原來他拍攝重頭劇《深宮計》連踩二十個鐘,一直拍到早上六時:「好眼瞓所以冇玩,驚有意外。(爭取時間休息?)冇,其實開兩組,時間都算正常,唔使埋位都要留吓力。(黃心穎有冇煲湯畀你飲?)冇,反而胡定欣有,咁啱佢屋企人攞湯畀佢,佢畀咗啲我飲。」

約會新歡有進展



有「舊愛」胡定欣送靚湯,與黃心穎約會亦有進展,馬國明笑說:「之前有日放假都約咗佢出街食日本菜。(又係日本菜?)我哋都係鍾意食日本菜。(邊個請?)佢畀,因為之前有啲嘢我畀咗,朋友出街係咁,有啲你畀,有啲我畀。(加深咗了解?)咪知道大家都鍾意食日本菜囉,都算有進展o架喇,哈哈。(有冇goodbyekiss?)梗係冇。」

裕美廚藝了得



對於有指王君馨新婚在即,同住的好姊妹裕美無奈被「迫遷」,裕美解釋去年十月已搬回娘家,現時仍會探望君馨並煮飯給她吃。說到裕美住公屋搭小巴,她指自己也是普通人,不會不習慣,君馨也說:「周潤發都坐地鐵啦,我哋要向佢學習。」對於黃子恆承認雙方曾拍拖半年,裕美說:「我都承認過喺我無助嘅時候,我哋發展過一段好短嘅關係,但依家已經冇特別聯絡。」

君馨又主動澄清與未婚夫未有同居,她說:「我哋希望婚後有個大改變,所以婚後會搵個大啲地方一齊住,我哋都好期待。」她又大讚裕美廚藝很好,婚後想納對方為妾,老公都要接受她們的關係。

文:影視組

贊助商:

討論:
分享: