鍾楚紅慧眼買字畫點升都唔賣


2017-04-12 07:00

跟蹤提及過的人和物:

上一則新聞: 張孝全兩頭望粒聲唔出 同周冬雨鬧不和?

 

【陳嘉敏北京直擊】鍾楚紅前晚現身北京,自爆曾心動想買四合院,可惜未能成事見財化水,幸慧眼轉買藝術品,價格還倍數上升,但她只視為珍藏,不會變賣;而同場多次傳出懷孕的大陸女星高圓圓,穿上貼身晚裝裙,身形Fit爆零孕味。

鍾楚紅(紅姑)、內地女星高圓圓、EXO成員張藝興(Lay)、法國女星柯德莉塔圖(AudreyTautou)、荷里活「蜘蛛女」姬絲汀鄧絲(KirstenDunst)與日本名模長谷川潤等前晚出席Chaumet在北京舉行的ChaumetWorld派對,現場展出品牌經典作品,紅姑戴上品牌逾五百六十萬的首飾示人,明艷照人。

雖然紅姑只逗留北京三日,已計劃去書局打書釘,又想到頤和園看玉蘭花:「以前我會去琉璃廠街同行胡同,我好鍾意四合院,當年差啲買咗,如果當年買到就發達。(點解冇買?)因為有好多條例,唔係咁簡單就可以買。我每次見到四合院就流口水。」

擁清朝皇帝真迹



紅姑又謂喜歡在內地購買字畫,她自豪地說:「我買過好有名望畫家嘅作品,仲有清朝皇帝嘅真迹。(有邊位名畫家作品?)趙少昂,不過當年買好平,但升唔升值唔關我事,我唔係投資,我唔會賣。(多唔多收藏品?)都唔少,但唔係多到可以開展覽,而且我都唔敢,我收藏係自己開心,唔係畀人睇。(有冇朋友叫你割愛?)都有,但我唔會賣,所以全屋都係嘢,都唔知點算。」

圓圓肚扁身材Fit



提到有眼光,紅姑更感自豪:「我得一對眼,但都幾proudof自己,我成日都去博物館,好鍾意藝術,喺藝術方面跟得幾貼,比時裝跟得更貼。」而高圓圓穿上火紅貼身珠片露背晚裝,佩戴逾一千八百萬的首飾,她出場時甚哄動,之前盛傳圓圓懷有身孕,雖然沒有受訪,但見她身材Fit爆,小腹扁平,以行動澄清懷孕傳聞。

贊助商:

討論:
分享: