中環出更:大狀林作轉行補習 謝偉俊抽水彈教育


2017-04-14 07:00

跟蹤提及過的人和物:

上一則新聞: 中環出更:張心瑜禪修之旅體驗天堂地獄

 

港姐麥明詩嘅前男友大律師林作決定轉行,同一間補習學校簽約任教英文科,早前已經向高院原訟庭申請放棄大律師資格,並隨即獲批。立法會大會尋日辯論撥款條例草案時,獨立議員謝偉俊借題發揮,話林作唔做大律師,已經反映本港嘅教育制度出事,冀政府好好反思。

謝偉俊喺發言嘅時候,質疑財政預算案並冇任何高瞻遠矚嘅教育方案,令多年來一直有為數不少嘅大學生喺畢業後就債台高築,要前途嘅就冇前途,要希望嘅就冇希望。

稱反映制度有問題



跟住佢就借題發揮指最近就有一個例子,就係林作連大律師都唔做,要走去做補習天王,情況就反映本港嘅補習產業興盛,令大律師都要放棄專業資格轉行做補習天王。佢更直指喺補習產業興盛嘅地方,其教育制度「一定有問題」,冀政府諗諗點解有咁多家長要將仔女送到外國同埋國際學校讀書,都唔願意將仔女留喺本地接受教育。

卓妮

贊助商:

討論:
分享: