張繼聰新片仔女冇份睇


2017-04-17 07:00

跟蹤提及過的人和物:

上一則新聞: 王賢誌讚《歌手》水準高

 

藝人張繼聰及白只昨日到佐敦為新片灌錄主題曲,負責作曲及監製的波多野裕介亦齊齊Jam歌!向來搞笑的張繼聰,合照時與白只十指緊扣,令白只略顯尷尬。阿聰被問是否批准老婆謝安琪入場睇戲?他說:「我拍嗰陣佢已問我幾時上,應該得!(初生囡囡都睇?)佢入場嘅話,我就唔使睇,記得我個仔細個,帶佢入戲院,唔夠五分鐘佢嗌走!(依家可帶仔睇戲?)得,但佢瞓唔着你要負責,佢會話:『帶我睇恐怖戲,今晚唔可以早瞓喇!』」

對於阿聰拖手,白只說:「佢收……啦!(喺阿聰面前,你怕醜?)其實同阿聰合作電影,係今次最大嘅意義,另外仲有萬梓良(萬子),就算我哋休息飲水嗰時,萬子都會同我哋分享佢嘅經驗,直接近距離感受佢嘅戲,係好癲嘅事!」

贊助商:

討論:
分享: