張繼聰龔嘉欣亡命天涯


2017-04-18 07:00

跟蹤提及過的人和物:

上一則新聞: 青山張帝歌王開騷鬥數毛毛

 

藝人張繼聰(阿聰)及龔嘉欣昨日於九龍城拍攝無綫新劇《誇世代》,二人於街頭上演被追趕上車的奔跑戲份。阿聰於劇中飾演江湖人物,與嘉欣行街時遇上仇家而被追殺,他更搞笑以手銬扣實嘉欣玉手,以防走散。阿聰受訪時笑言角色被眾多美女包圍,例如田蕊妮、蔣家旻、鄧佩儀及邵美琪等:「我個角色好多女,咁開工有拚勁啲!」他又說於劇中不乏動作戲,更要一打十:「我打唔使犀利,武術師傅犀利就得,我一掂佢哋就自動飛埋欄杆!」頻頻操肌的他卻表示今次毋須除衫演出:「因為我同監製講想食番多啲,咁就唔使除衫,我都有同拍檔陳豪一齊做gym操肌!」

主動要求加對手戲



至於飾演富家女的嘉欣透露主動向監製要求增加與阿聰的對手戲:「阿聰喺劇入面成日整蠱我,但劇外又對我好好。我向監製要求同佢有多啲對手戲,去過吓戲癮。我成日問佢健身啲嘢,問佢點解啲人咁大隻。(你鍾意大隻男?)有肚腩我都OK,但都欣賞男仔健身咁努力。」談到她之前憑喊戲出位,勇奪最佳女配角,嘉欣笑言今次淚腺要抖抖,又指擔心觀眾睇厭其喊樣。

文:影視組

贊助商:

討論:
分享: