宣萱被林文龍窒到反白眼


2017-04-19 07:00
上一則新聞: 47歲梁小冰晒素顏比堅尼傳授凍齡秘方

 

演員林文龍、宣萱、王浩信、唐詩詠和高海寧等為無綫新劇宣傳,宣萱大爆拍攝時被文龍狂窒,無法還擊只好反白眼,說到收視,兩位更互相「推莊」!唐詩詠和高海寧則齊齊露膊迎夏日,高海寧玩遊戲時不經意「晒線」搶鏡,唐詩詠則自爆撒男友嬌。

唐詩詠和高海寧昨日為無綫劇《不懂撒嬌的女人》宣傳時,齊齊以露肩裝清涼示人迎夏日,眾女演員鬥撒嬌功力,高海寧玩得投入時更俯身晒「事業線」,不經意性感。

鬥氣多過咀嘴



林文龍和宣萱飾演鬥氣冤家,宣萱笑言戲外被文龍窒到反白眼。問到可會緊張收視時,二人即互相「推莊」,文龍笑說:「唔緊張,因為有宣萱孭飛,得就領功,唔得就佢孭。」宣萱亦回敬說:「好嘅就我孭飛,唔好嘅咪拖埋佢落水。」問劇中二人可有咀戲?宣萱說:「極少,因為我哋劇中唔啱。」林文龍則說:「套劇梗係sell宣萱演技啦。」

宣萱又自嘲是機械式演員,多得林文龍替她修改劇本。問林文龍可會再接拍無綫劇?他笑說:「我好似要拍《都市閒情》『煮重你米』喎!(撼李家鼎?)都好喎,你睇吓返TVB真係開心。」宣萱則說:「好耐冇畀佢窒過,我哋之前拍劇每日就係咁過,有時畀佢窒到反白眼。」

唐詩詠則透露與王浩信不乏咀戲,因要對付狂撒嬌的台灣女生,問現實中可會撒嬌?她說:「每個女仔都會,只要男友唔激我哋,開心就會撒嬌。(係咪男友成日激嬲你?)唔好講呢啲啦!」提到日前她撇甩洪永城,與馬國明看《風雲》5D音樂劇,她說:「因為係一班好兄弟姊妹去支持嘉穎,唔好講到我同馬明出街就好似有問題咁啦!」

孫慧雪挺巨肚宣傳



孫慧雪挺着五個多月巨肚到場,透露肥了20多磅,預產期8月,計劃自然分娩,她說:「醫生話BB係大B,腰好肥,腳又好長。(上圍升Cup?)冇度,只係覺得背部橫咗,已經買咗幾次新內衣,之後都會影大肚寫真。」

文:影視組

贊助商:

討論:
分享: