鍾楚紅獲亡夫守護冇諗過再婚


2017-04-21 07:00

跟蹤提及過的人和物:

上一則新聞: 黎瑞恩爆囝囝被咬含膿即減食肉

 

大美人鍾楚紅(紅姑)的丈夫朱家鼎逝世十周年,紅姑至今仍深愛亡夫直言每日悼念對方,去旅行會感覺到與亡夫同行,成為其守護天使,因此沒想過再婚。

紅姑與廣告界才子朱家鼎結婚後,於1994年正式息影,但丈夫不幸因病逝世至今十周年。前晚紅姑與白歆惠在台灣出席卡地亞年度高級珠寶展自爆為圓亡夫遺願,領洗為天主教徒及不再婚。而昨日紅姑、關之琳、JaniceMan、中田英壽及張智霖等出席品牌活動,紅姑表示亡夫是虔誠天主教徒,自己與天主教有緣分,所以感覺有聯繫,每天悼念對方,她說:「在心中,佢好似我嘅guardianangel(守護天使)日日跟住我。以前有夢見佢,好似我想去一個trip,知道佢都會想去,計劃緊嘅時候就會夢見佢,感覺好似佢陪我去咁!(尊重結婚承諾故不再婚?)冇諗過亦冇呢個打算,唔係對任何人嘅承諾,因為我再唔再婚唔關其他人事,係個人嘅事!因為愛情仲喺度,心入面仲有感覺,可能我係保守啲。」

每日仍在戀愛中



問到是否感覺每日仍在戀愛中?她甜笑說:「你哋覺得似唔似?」她直言接受亡夫不在身邊,其精神會長存,更坦言令她見識增多及成長:「冇佢冇今日嘅我!」然後她着記者不要再問,否則會忍不住失禮落淚。

此外,紅姑透露約台灣著名經理人兼導演邱瓈寬見面,問到邱瓈寬是否嬲郭富城不請她飲,紅姑說:「唔覺佢嬲喎,成日都搞笑,點會咁小事嬲。」

張智霖護城城



另外,張智霖表示與同場兩位大美人合照感到大壓力,因為紅姑和關之琳都是其女神。提到日前擔任好友郭富城婚禮兄弟,他表示有參與頂酒,過程順利,更送了一對香檳杯作新婚禮物。提到網民指張智霖搶鏡,他說:「過獎啦,唔好玩我,(口個)晚覺得好幸福,對比番自己真係做少咗,冇斟茶畀雙方父母,有啲遺憾,會對佢哋好(口的)補償番。」問到方媛是否有喜?他即扮傻說:「唔係好清楚,唔知係咪有咗?因為畀幸福包圍住,睇唔到蛛絲馬迹。(咁邱(王黎)寬話下次結婚請佢喎?)唔識答。(城城外父係咪話由細聽佢歌大?)聽唔到。」

而側邊開隙示人的關之琳表示多年來身形弗爆靠運動,維持體重上落在十磅以內,而且貪靚,因此出街打扮很小心,連落街攞信都一樣。

文:名人組

贊助商:

討論:
分享: