陳志雲摑王喜後台私了


2017-04-21 07:00

跟蹤提及過的人和物:

上一則新聞: Poyd密實夜蒲一樣吸睛

 

傳媒人陳志雲、王喜、葉童及胡諾言等,昨日以盛裝赴中環出席澳洲百利達酒莊獨家呈獻《雷雨对日出》舞台劇記者會。志雲預演劇中掌摑王喜一幕,王喜想反摑卻被志雲快手擋住,與志雲分屬好友的王喜直言想在台上摑番對方。志雲說:「綵排唔會真打,但正式演出會真摑,本來佢有場戲係摑我,但刪咗,諗住喺後台畀佢摑番補數。(你真打唔驚打親佢?)你估我曹星如咩!」王喜則說:「有得揀梗係公開摑好過後台摑,公開摑有錢收喎!」

食飯慶祝官司完結



上月終審法院裁定陳志雲與叢培崑串謀代理人接受利益罪上訴得直,推翻定罪,志雲說:「律師幫我申請緊攞番堂費。(彌補到精神損失?)對我嚟講係畫上句號,過咗去就過咗去喇!」而王喜被問到會否陪志雲旅行,慶祝官司完結?他說:「其實過去幾年都慶祝過,呢個消息都消化晒,加上佢去啲地方咁貴,食餐飯慶祝啦!」

文:影視組

贊助商:

討論:
分享: