林文龍寸宣萱 箍唔掂男人


2017-05-01 07:00
上一則新聞: 許廷鏗 掃千元零食慶生

 

藝人宣萱及林文龍昨日宣傳新劇時互寸,宣萱爆對方食飯不肯拿荷包出來請客,林文龍則反擊宣萱綁不住男人心,搞到宣萱揚言:「下次宣傳見唔到文龍o架喇!」

藝人宣萱、林文龍、江嘉敏、何雁詩與勁晒3吋「事業線」的白雲,昨日到寶琳宣傳無綫新劇《不懂撒嬌的女人》。宣萱與文龍席上玩互窒,宣萱率先爆對方食飯時不肯拿荷包請客,文龍在玩遊戲時則向她的情史開刀:「宣萱,綁住男人個身冇用,要綁住個心先至得,無論中外都係一樣!」文龍事後解釋:「我細個睇佢啲訪問咁講咋!我冇料爆,驚被人滅口!(同宣萱冇咀戲,改為鬥嘴?)同佢真係冇,同高海寧、李天縱就有。(Enjoy?)我投入咗拍攝,冇感覺。」

至於宣萱否認有新戀情:「唔好聽佢亂講,我咁啱有過兩個外籍男友,講到我乜嘢國家都啱咁!下次宣傳見唔到文龍o架喇!(你嘅出浴鏡頭好矚目?)有着衫o架!係拍完個劇,公司叫我返去補拍嘅,大家都想做到最好!」

何雁詩繼續要食藥



同場的何雁詩因與鄭俊弘的戀情而備受外界抨擊,她坦言幾大壓力:「成個人Energy跌晒,但感覺過到呢一關會變得Strong。(網友話你仲好意思同陳瀅、劉佩玥Jam歌直播?)唱歌係我工作,有冇感情都好,工作還工作!(男友心情點?)幾開心!(你身體狀況呢?)一路食藥、睇醫生,慢慢會好。」

另外,早前傳遭TVB雪藏的江嘉敏,被問會否向男友撒嬌?她說:「依家冇男友,專注工作!(歌手曹震豪作歌畀你,仲唔係你男友?)佢好興作歌畀人,我同佢合作MV先熟啫!」

文:影視組

贊助商:

討論:
分享: