政情:律師會選戰 任建峰何君堯隔空駁火


2017-05-12 07:00

跟蹤提及過的人和物:

上一則新聞: 政情:殯儀館變議辦地標 涂謹申嚇親人

 

律師會周年大會喺本月底舉行,執業律師任建峰於報章撰文列舉多項理由,包括角逐連任律師會理事嘅立法會議員何君堯涉角色衝突,稱對方非擔任律師會理事嘅恰當人選,呼籲事務律師一票都唔投何君堯。何君堯喺facebook(fb)反擊,指「看不出有任何角色衝突」,又要求任建峰立刻收回所有誹謗言論,並作出合乎其要求嘅道歉聲明。

任指何涉角色衝突



據報八名候選人會角逐五個律師會理事位置,包括角逐連任嘅律師會理事何君堯。任建峰喺報章撰文,批評何君堯涉角色衝突、無視法治等七項理由,呼籲事務律師上下一心,將多方面都唔合格嘅何君堯逐出律師會理事會。

何君堯喺fb逐點反擊,首先指「從來不怕真小人,更無懼那些偽君子」,表明再度參選律師會理事,深信有競爭才有進步,但必須係君子之爭。佢又點名反擊任建峰,批評對方嘅指控「一派胡言」,強調喺立法會更能為法律界利益把關,亦冇干擾律政司獨立檢控權力等,就此,佢要求任建峰立刻收回所有誹謗言論。

贊助商:

討論:
分享: