政情:徐立之踢波唔使用腳


2017-05-16 07:00

跟蹤提及過的人和物:

上一則新聞: 政情:陳茂波恐逼降呢掌運房局

 

香港人出晒名工作繁忙,冇時間做運動,即使係鍾意足球嘅朋友,都唔係咁容易搵時間去踢波,要約埋朋友一齊去踢波就更難。對球類運動樣樣皆精嘅創科院院長、香港大學前校長徐立之尋日就有機會過吓「足球癮」,仲喺眾人面前示範點樣唔用腳都可以踢波添!到底佢搞邊科呢?

用手機程式遙控射波



徐立之尋日出席VTCSTEM教育中心嘅開幕活動時,主動了解同學仔嘅科研產品,佢一見到由同學製作嘅足球機械車,就趁機過一過「足球癮」,即刻用手機應用程式當係遙控器,單手控制部機械車射波入模型龍門,真係成個足球小將咁!

唔講可能都唔知道,原來徐立之除咗鍾意做研究之外,對排球、足球、籃球都樣樣皆精,一有空餘時間就會做運動調劑緊張生活,佢之前仲話過自己射籃嘅命中率有七成添!唔知同學仔會唔會發明埋多幾款機械車,等徐立之可以再過下手癮呢?

贊助商:

討論:
分享: