中環出更:被問幾時告佔中黑手 袁國強走夾唔抖


2017-05-19 07:00

跟蹤提及過的人和物:

上一則新聞: 中環出更:青年夢想家分享奮鬥史

 

違法佔領行動事發至今兩年半,律政司只起訴咗九名佔中搞手,包括壹傳媒黎智英在內嘅三十九名佔中搞手仍然逍遙法外,惟特區政府主理檢控嘅律政司司長袁國強一直未有回應喺政府換屆前會否完成檢控工作。尋日佢出席立法會會議前,原本從容不迫地接受傳媒訪問,點知被問到有關「佔中黑手」問題時,即時面有難色,急步快閃。

面露難色要新聞秘書掩護



袁國強尋日喺立法會被大批傳媒包圍,追問政府票控立法會議員梁國雄搶走時任發展局副局長馬紹祥嘅文件一事,佢原本就滋油淡定咁回應緊事件,仲開口話「個情況已經……」但係問題都仲未答完,隨即有記者再追問幾時會檢控佔中黑手。

此時佢突然停一停步,面露難色,冇再開口回答問題,即「雞咁腳」急步快閃,新聞秘書更加掩護佢進入會議廳。

點解袁國強面有難色?莫非佢係害怕佔中搞手嘅背後勢力,因此唔敢提出檢控?

卓妮

贊助商:

討論:
分享: