【大班椅】 陳德霖的脫節及離地(藍友斑)


2017-05-31 17:28

跟蹤提及過的人和物:

上一則新聞: 新地王誕生!南豐斥逾246億投得啟德商業地盤

 

金管局今年一口氣出了好幾招,各位看官覺得,樓價到底是升了還是跌了?任誰都知道樓價繼續升緊,買家繼續入市,金管局最近一次出招又係正海之戀賣樓前夕,海之戀賣成點,基本上就係即時反映緊新招的效力。

好明顯,海之戀又係賣到滿堂紅,只要呢幾日你行過紅磡,就會見到啲買家幾咁瘋狂,紮營路宿但求買樓,外國人唔講仲以為呢萬人係排緊演唱會飛。可能見到海之戀賣得太好,金管局/政府覺得無面,最近連口術都出埋,陳德霖佢講:

「樓市仍然有過熱的風險,買樓購買力的脫節的情況愈來愈嚴重。」

唔少人將今日的數據同97做比較,連陳生都唔例外,但藍友斑已經講過好多次,連文都寫過一篇,就係叫人唔好將今日的樓市同97相比,因為今日的樓市結構同以前差天共地。好簡單的道理,今日多咗內地新香港人呢條水,以往97主要都係香港人自己條水;今日幾乎全部人買樓都要俾大舊首期,以往97一個盤可以出現13摸,做到95%按,快買快賣的炒家絕跡,剩底的都係自用同長情投資客。

呢兩類人的特性,正正奠定今時今日的樓市,比97更加穩健,如果夾硬要將今日同97比,結果就係今日入市的買家比過往更有實力,價格硬淨,以致加價又破頂,唔係咩奇人奇事。

香港的財金官員,認為自己讀懂市場,覺得此刻的購買力脫節。

樓市有無脫節,係睇買家畀唔俾得起錢,如果無人畀得起,價就自然會回落,樓神都一定會面如死灰,但你睇近日樓神幾趾高氣揚,依家入市的買家,不只首期都俾得起有突,供樓所費更加係小菜一碟。張家輝都講過「買得起就係買樓時機」,只有買唔起樓的人,先至覺得樓價脫節,陳生如今每次出招,市場好快就消化兼痾埋,落得一個「出招無用」的印象,買家當佢無道,繼續入市掃貨,藍某都為佢感到可憐。

作者:藍友斑 (建築師、合伙人,業餘寫作,夾雜新舊世代之間,寫盡港式生活故事)

19+精選推介︰











===============財經精選資訊網站「中環街市」  

贊助商:

討論:
分享: