唐詩詠見「小強」喊驚 袁偉豪引蟲錫面


2017-05-31 07:00

跟蹤提及過的人和物:

上一則新聞: 陳瀅口水尾益男粉

 

唐詩詠與袁偉豪前晚在街上拍攝一場人工呼吸的戲份,現實中齊齊失戀的兩人寄情於劇情中,詩詠更讚咀得好Fresh!不過,拍攝時有老鼠及「小強」客串演出,嚇到詩詠大叫,還險走入袁偉豪的耳仔。

雙雙甩拖的唐詩詠與袁偉豪(Ben)前晚為無綫新劇《棟仁的時光》拍攝一場人工呼吸的戲份,自然無後顧之憂,不用向另一半備案!劇情講述飾演救護員的詩詠為Ben人工呼吸,美女俊男拍攝這場戲本應享受,但事實並非如此!現場引來不少「不速之客」睇戲,除了有大老鼠四出竄逃外,還有「小強」飛撲到Ben的耳邊「演埋一份」!試位期間,Ben躺在地上等詩詠「輸氣」,但詩詠突然大叫及左撥右撥,Ben即說:「你咪嚇我呀!」兩人最終NG了六、七次才拍畢這場戲。

讚好咀感覺Fresh



兩人事後齊齊接受訪問,Ben笑言自己不太驚蟲蟲,只是詩詠的超驚嚇令他驚驚:「睇唔到就唔驚囉!睇到都扮鎮定啦!咁多人喺度,係吸咗好多地氣啫!」詩詠則說:「見到啲識飛嘅嘢,錫完佢(Ben)塊面後仲差啲入埋佢耳仔!我本身都好驚『小強』!」提到NG六、七次,Ben表示事前做足準備,而詩詠指拍咀戲前特意漱口,相反Ben坦言:「我冇喎!我今日都冇食飯!刷完牙就返嚟開工。」詩詠即笑言:「感覺好Fresh!」

他倆曾於劇集《鐵馬戰車》中拍過濕吻戲,問到今次人工呼吸有何感受?Ben笑說:「我淨係Feel到詩詠嘅暖氣!」而他今次留了一臉鬍鬚,但詩詠指感覺不到被鬚拮,Ben即說:「因為拍時我包住咗佢個嘴,我嘴唇係好軟稔嘅,出咗名o架啦!」

文:影視組

贊助商:

討論:
分享: