唐詩詠託翠如BB空運榴槤做禮


2017-06-18 07:00

跟蹤提及過的人和物:

上一則新聞: 李潤庭感恩 回歸主播枱

 

王浩信與唐詩詠的「情侶檔」相當煞食,二人前晚合體出席活動,粉絲逼爆會場!詩詠自爆拜託好姊妹黃翠如由馬來西亞空運靚榴槤回港孝敬爸爸。

王浩信與唐詩詠因《不懂撒嬌的女人》成功塑造成螢幕情侶,詩詠不諱言近日不少客戶找他們「情侶檔」工作,相信將會「豬籠入水」﹗而前晚二人到銅鑼灣出席父親節活動,在台上與粉絲玩角色扮演遊戲,更「入戲」地當眾深情對望及相擁,獻唱時又分別衝落台與支持者合照及握手,成功炒熱氣氛。

王浩信讚數口精



活動尾聲王浩信獻唱《陪着你走》,他坦言:「(呢首歌)攞過消費平台No.1,多謝盧冠廷先生。(年尾攞歌曲獎?)唔敢諗喇!但稍後我喺《溏心風暴3》會同菊梓喬有首合唱歌。」

談到二人早前透露有意合作做生意,王浩信表示性質未定,要從長計議,相信會有其他股東加入。他大讚唐詩詠「數口精」:「同佢合作時叫飯,發現佢畀錢好有條理,應該交畀佢管數。(每人夾幾錢?)起碼6位數啦!(開實體店?)係。」問到唐詩詠今年內能否成事,她說:「希望啦。」

由於好姊妹黃翠如近日到訪馬來西亞,詩詠拜託對方空運靚榴槤返港氹其「生果控」爸爸,又自言小時候最識嗲父親﹕「多數係氹爸爸去街同買嘢畀我。」王浩信亦分享「父女情」:「囡囡見我返屋企,就會抱住我對腳大叫『爸B』。同佢一齊瞓得特別好,好有安全感。」

文:影視組

贊助商:

討論:
分享: