張繼聰嫌棄風扇仔:吹咩!


2017-06-20 07:00

跟蹤提及過的人和物:

上一則新聞: 張美琳胰臟癌病逝

 

張繼聰除了是「愛妻號」,亦非常疼錫一對子女,經常跟兒子張瞻以朋友的方式相處。前日是父親節,阿聰獲張瞻即興送風扇仔作禮物,但被太太謝安琪踢爆他疑似不想接受,事後阿聰表示接受囝囝這份「吹咩」禮物!一把風扇仔,結果變成一宗「羅生門」事件!

前日父親節,謝安琪(Kay)於社交網上載一張風扇仔照片,並寫下名為《瀟灑的父子》長文:「今日父親節,我個仔乜嘢都冇準備,我老公讚佢瀟灑,然後我問佢係咪應該都有少少嘢送畀爹哋?於是佢唔知喺邊度摷到一個,佢自己唔鍾意嘅風扇,晚餐時送畀爹哋。」Kay指老公表現同樣瀟灑:「佢見到個仔畀份咁嘅禮物佢,佢接都冇接到,手都冇伸出嚟,依家個風扇就咁滯留咗喺枱面,場面相當無奈,完。」

夫妻說法有出入



阿聰被踢爆「漠視」這份父親節禮物,隨後他上載同一張風扇仔照片,並留言:「我個仔送畀我嘅父親節禮物,我問佢你買咩?佢話唔知邊度搵出嚟……我諗呢份禮物嘅寓意係……吹咩!Anyways,多謝,外景啱用。」看來阿聰很喜歡這份禮物,跟Kay的說法有出入。

譚詠麟罕晒父子情



另邊廂,一向低調處理父子情的「樂壇校長」譚詠麟,於父親節罕有地在社交網上載一張手疊手的照片,並留言:「最高境界的親子接觸!父親節快樂!」雖然校長未有明言雙手屬誰,但不少網民估計是他疊着兒子譚曉風的手,大讚構圖溫馨。現年21歲的曉風經常被讚靚仔,身為十優狀元的他2013年在英國GCSE考試中考獲12A*超班成績,之後成功入讀英國牛津大學攻讀電子工程,去年參與交換生計劃,到美國普林斯頓大學作為期一年的交流。如此筍盤,難怪網民「跪求」校長上載曉風的最新正面相。

文:專案組

贊助商:

討論:
分享: