薛家燕指Celine老竇撬客


2017-06-20 07:00

跟蹤提及過的人和物:

上一則新聞: 王浩信腹肌做教材畀囡囡學數字

 

唱出國際而爆紅的「香港小巨肺」9歲女童譚芷昀(Celine),前晚父女二人赴美,似乎為女兒參加的《全美一叮》(America'sGotTalent)選拔賽事下一步作準備,能否成為最年幼歌后則屬未知數,但這名小歌后爸爸譚順生,卻令薛家燕看不過眼,並大爆對方曾在其「家燕媽媽藝術中心」內「搶客」。

家燕姐昨日受訪直言對其父處事手法很有意見:「Celine唱歌、演戲都好有天分,人又好乖,佢爸爸當時(約兩、三年前)帶囡囡嚟我學校報名學唱歌,又話想演戲,之後佢話都係教唱歌,我見中心橫掂請人所以請埋佢,就連佢話想我搭路幫佢囡囡參加《中國新聲代》,我都出晒人情牌,點知佢返嚟同人講話自己有辦法幫人參加呢個比賽,完全冇提過我!(搶客?)都係啲學生家長同我講番,原本上我堂,上上吓要去咗佢度上,學費仲收一萬幾蚊,我都係收二千幾咋!(撬走幾多學生?)十幾個,不過後來都返晒嚟我度!(有冇當面對質?)冇,只係搵人叫佢唔使再返工!(過橋抽板?)其實呢行有行規,我只係想佢反省吓,呢行好細,如果其他人想搵佢合作都會有戒心,我唔想咁而影響Celine,呢個女仔真係可造之材。」記者多次聯絡譚順生,截稿前卻未有回覆。

贊助商:

討論:
分享: