楊千嬅陳慧琳玩交換家庭


2017-06-21 07:00

跟蹤提及過的人和物:

上一則新聞: 俄仔Ansheles當眾叫衛詩雅「開大」

 

就快暑假,一班星媽忙於為「星二代」籌備暑期活動,兩位潮媽陳慧琳(Kelly)與楊千嬅就計劃將兒子互相交換寄宿照顧,還大爆家規!二人更密謀撇低愛兒由老公照顧,一同去Shopping!

潮媽陳慧琳與楊千嬅昨日出席護膚品活動,二人不約而同穿上斜肩服裝,Kelly更以泳衣襯透視褲,十分有型!千嬅表示最近忙屋企裝修、兒子升小學及暑期活動,更計劃與Kelly玩互相交換寄宿家庭,讓Torres學守規矩及自理能力,她說:「依家佢大個咗咩都想參與,仲話想同我一齊唱歌,我心諗唔好搞我!畀佢去Kelly度玩交換家庭,每個家庭都有家規,等佢跟,而且嗰個係哥哥,大過佢,小朋友鍾意模仿,佢鍾意同哥哥玩,但係可以乖乖留兩日,已經好勁啦!」問到會否追多個?她自言已是高齡:「睇個天囉,會唔會覺得我有溫柔一面而畀我。」

劉昇係管家仔



Kelly對千嬅將兒子互相交換寄宿的建議大表歡迎:「我有兩個着數啲,佢哋差唔多年紀,應該玩得埋,之後我哋兩個去Shopping。(邊個睇?)老公囉!」問到有甚麼家規?Kelly說:「冇,好寬鬆,家規係入屋要除鞋,食飯唔開電視,但有時想娛樂吓就會開,開咗大仔劉昇會去熄電視,覺得點解食飯開電視,做咗管家。」她透露帶小朋友去游泳曬黑了,但自己留在室內用望遠鏡遠望兒子。

唔識教唱歌



提到唱出國際爆紅的「香港小巨肺」9歲女童譚芷昀(Celine),Kelly亦有留意,大讚其父譚順生勁,希望跟他學唱歌。至於Celine被指沒有童年,Kelly說:「冇辦法,一段時間比賽,可以有成就感,學到咩都係小事,唔怕困難,讀萬卷書不如行萬里路,唔一定死讀書。(畀你個仔學?)有咁叻就好,我都唔識教,逼唔到,唱兩句就唱完,會覺得好悶。大個先知天分,最重要係努力同做人態度,天分要慢慢培養。」同場的楊洛婷挺着巨肚仍貪靚穿高踭鞋撐場!

文:名人組

贊助商:

討論:
分享: