戴夢夢Ricky兩年情玩完


2017-06-23 07:00

跟蹤提及過的人和物:

上一則新聞: 李佳芯張振朗車輪咀口水乾

 

童星出身的戴夢夢,兩年前被本報踢爆搭上人夫太極樂隊鼓手朱翰博(Ricky),夢夢被認定是破壞Ricky婚姻的「第三者」,當日愛得轟轟烈烈的二人拍拖兩年原來已玩完,夢夢更有疑似新歡孖住去澳門,Ricky則向她大方送上祝福:「希望佢搵到一個更好嘅男人。」

32歲藝人戴夢夢與51歲太極樂隊鼓手朱翰博兩年前秘密撻着,當時Ricky與太太Anne尚未離婚,故盛傳夢夢是介入Ricky婚姻的「第三者」,當日Ricky被轟拋妻棄子,其妻Anne更譏他「人渣」,「戴朱戀」拍拖兩年感情要好,有影皆雙,但近日盛傳兩人已分手,夢夢更被目睹與一男子蜜遊澳門,疑結識了新歡。

挽救無效行唔落去



夢夢昨日被問到分手一事,承認與Ricky已分手:「分開咗一段時間,係因了解而分開,大家有嘗試挽救過,可惜都行唔到落去。(你兩個之間有第三者?)分手冇牽涉第三者,大家係和平分手。」對於有指她與新歡蜜遊澳門,態度親密,夢夢表示對方是圈外朋友,問到是否發展中?她說:「了解中!」

「祝佢搵個好男人」



當日與夢夢愛得轟烈未料分手收場,Ricky昨日在電話中說:「係呀,我哋幾個月前已分開。(夢夢被影到同一個男人蜜遊澳門?)要講嘅我都講晒,我唔想再講。」他又指夢夢是個好女仔:「佢同我一齊嗰段時間好照顧我,但我哋因為一啲私人問題唔能夠再一齊,希望佢可以搵到個更好嘅男人。(咁你同前妻Anne有冇復合可能?)呢個唔答!」記者嘗試聯絡Anne,但截稿前未有回覆。

文:音樂組

贊助商:

討論:
分享: