衛詩雅弱女反撲 做爆樽影後


2017-06-23 07:00

跟蹤提及過的人和物:

上一則新聞: 石堅舊居升值133倍

 

衛詩雅在新戲拿起玻璃樽兜頭扑周柏豪,替觀眾向賤男出氣,同時展現敢愛敢恨一面!編劇李敏指角色是為衛詩雅度身訂造,笑言要讓她一嘗「影後」滋味。

影星衛詩雅(Michelle)、導演邱禮濤與編劇李敏在英皇電影《失眠》合作後,在新片《原諒他77次》再度碰頭,三人合力打造現代新女性敢愛敢恨一面。李敏受訪時直言角色是為Michelle度身訂造,開戲前已視對方為不二之選,笑言當初雙方在檳城的沙灘上傾故事,感覺浪漫,又說:「平時見佢好弱女咁,好想將佢可愛嘅一面呈現出嚟!」

擔心玉背唔夠滑



提到在片中爆樽扑周柏豪,Michelle大呼過癮,自言與角色一樣敢愛敢恨:「如果我鍾意,我會盡能力去爭取!我嘅宗旨係做過後悔,好過因為冇做過而後悔。(有冇後悔以前冇試過咁激?)係囉!如果唔係,嗰場就會演得更加好!」李敏表示除了讓Michelle挑戰爆樽外,亦安排她做「影後」:「佢仲問我背脊夠唔夠滑,條腰肥唔肥!」

提到李敏早前在網上為一眾編劇發聲求尊重,事件引起回響,她表示會修改教學課程,令學生有做編劇的心理準備:「第一堂教點樣去追番啲尾期,想講番啲唔方便嘅真相畀後生仔聽!」邱禮濤坦言做攝影師時有類似經歷:「其實做導演都可以好冇尊嚴,有啲大明星乜都唔識,但喺度指指點點。」又直言做電影人應該「寸啲」,以正確態度回應不獲重視之舉。

文:影視組

攝:吳文聰

場地:HotelIcon

髮型:SingTam(pi4.hk)(衛詩雅)

化妝:CyrusLee(衛詩雅)

服裝:Sinequanone(衛詩雅)

贊助商:

討論:
分享: