阿Sa笑老闆似傳銷狂Sell億元別墅


2017-06-23 07:00

跟蹤提及過的人和物:

上一則新聞: 陳法拉處女執導碌爆人情卡

 

藝人蔡卓妍(阿Sa)和周柏豪主演的電影《原諒他77次》上映一周,票房累積近八百萬,成績理想。阿Sa後悔事前沒有傾分紅,勁揼心!她又自爆日前到內地宣傳時,狂收老闆楊受成send給她的過億元豪華獨立屋的相片,還指容祖兒已吼實新盤,阿Sa笑老闆似用傳銷手法誘她買獨立屋,勁搞笑!

阿Sa、周柏豪、鄭希怡(Yumiko)等昨日與英皇集團主席楊受成及英皇電影行政總裁利雅博,在銅鑼灣出席英皇電影《原諒他77次》答謝宴,並宣布電影票房已累積760萬。司儀問阿Sa見此佳績會否叫老闆添食?阿Sa興奮地說:「老闆話開第二集!」大會亦安排豬腳、雞腳讓連日來宣傳的演員補腳力,在場即起哄叫柏豪「啜腳趾」,但他卻把雞腳「塞」進阿Sa口中!不過難抵肚餓的柏豪最後亦偷食雞腳,場面搞笑!

柏豪拍續集冇要求



柏豪直言有信心票房達千萬:「尋日我哋係香港票房第一!上咗一星期,日日都係第二,畀晒西片夾住!」阿Sa則揼心口表示後悔事前沒有傾分紅:「依家講邊有!」更提議柏豪拍續集時傾分紅,柏豪即說:「你哋傾住先,我唔敢太多要求!」阿Sa自爆前日在內地宣傳時,老闆不停send新樓盤的照片給她:「我問佢係咪想送幢畀我。(真係送?)佢話送張支票畀佢先,但其實好難買到。(你係小富婆喎!)間獨立屋嚟o架!九位數字呀!仲要唔係九位頭!」

鄭希怡同好姊妹爭仔



問阿Sa有否向老闆攞折頭?在旁的柏豪即大講粗口諧音:「五九折定五七折,自己揀!」阿Sa聽完一頭霧水,柏豪即在她耳邊細細聲解釋,恍然大悟的阿Sa說:「頂!」之後,阿Sa又指老闆稱師姐容祖兒已吼實樓盤,笑言似足傳銷手法,非常爆笑。至於Yumiko希望在續集可以與好姊妹阿Sa爭仔,但她指與對方口味不似。問到是否老公最好?她笑稱:「唔通我依家話好後悔咩?」

文:影視組

贊助商:

討論:
分享: