陸浩明情侶檔浪漫落廚 Ayan「蓉」入健康黃金蝦


2017-06-23 07:00

跟蹤提及過的人和物:

上一則新聞: 陳奕迅買Barbie贈「小小周」

 

陸浩明(6號)與契媽肥媽主持無綫《食平D》系列等多個飲食節目,當然有乘機偷師。今次6號與女友陳詩欣(Ayan)為東網巨星節目《星級煮意~鍾菜.鍾廚》炮製「黃金蝦」,6號將肥媽教的招數融入其中,食得健康。

本身愛下廚的Ayan,特別炮製男友6號最愛的「黃金蝦」,兩人夾手夾腳有講有笑,甜蜜又溫馨。Ayan特別版「黃金蝦」當中的竅妙,是6號向肥媽偷師得來,他說:「要食得健康,所以呢個黃金蝦唔會全部用鹹蛋黃做配料,當中加滲咗南瓜蓉,除咗顏色配合,最重要避免過多膽固醇!」

揀老婆要烹飪叻



對於女友Ayan下廚手藝了得,6號引以為傲,並透露最感動的一餐:「有一次去旅行,佢靜雞雞整一個好豐富嘅早餐畀我食!細個拍拖唔覺女友、老婆識煮嘢食係重要,大個之後先發現,如果另一半識煮嘢食,會為生活增添樂趣同幸福。我最大娛樂就係食嘢,所以揀終生伴侶,對我嚟講要識煮嘢食,最好廚藝拍得住肥媽!」

炸得脆口有妙法



「鍾菜.鍾廚」邦師傅品評這味「黃金蝦」時,應《星級煮意》主持沙拉要求,即場示範無蝦殼的「黃金蝦球」,先將剝殼蝦仁上粉漿,然後落鑊炸,就可做到脆口效果。而炒鹹蛋黃則以牛油起鑊,將鹹蛋黃炒到起泡、熄火,再加入炸好的蝦球便可上碟。《星級煮意》節目每集均由藝人親自下廚煮一款菜式,睇過就會學識,節目逢星期一及星期四更新,大家可在東網App及東網網頁收看及重溫。

文:影視組

https://goo.gl/nTs11s

贊助商:

討論:
分享: