唐詩詠谷行事業線見老細?


2017-06-29 07:00

跟蹤提及過的人和物:

上一則新聞: 泳兒瞓地被圍惹血案疑雲

 

最近有傳古天樂旗下公司有意與無綫藝人唐詩詠簽約,昨晚二人自傳聞後首度同場為活動剪綵。唐詩詠盛裝谷3吋事業線,性感會古仔。對於簽古仔公司,她強調是傳聞,問到今次見面會否自薦?她說:「等我整好CV(履歷表)先,當然想喺電影方面發展,希望將來有機會同佢合作,但暫時冇。(覺得身價值幾多?)唔可以用錢衡量,要睇發展空間同工作理念。」至於會否怕因而與古仔傳緋聞,詩詠說:「唔會,唔好咁心急幫我搵。(有冇追求者?)冇。一拍劇好難發展感情,因為好忙,對方要體諒我。(避揀圈內人?)可能,同圈中人拍拖壓力大,依家暫時唔諗住。」

古天樂問攞CV



古仔的外套鑲滿鐵片,他透露外套十幾磅重,仍不及早前的戲服重:「之前拍戲件戲服成三、四十磅,拍到頸骨移位,睇醫生休息兩星期先好番。一着件戲服等於做運動,瘦咗十幾磅,依家得番肌肉。」談到詩詠會SendCV給他,古仔笑說:「叫佢直接Send畀我。(佢有你電話?)不嬲有,我哋識咗好耐。(有興趣簽?)佢應該有公司,唔明點解咁傳,再講我只係演員,冇資格請人。(你係老闆?)我係演員,由頭都尾都係傳話簽,應該唔會。」

此外,古天樂主演的英皇電影《喵星人》將於下月上映,他指該片的笑位只是甜品,重點是戲中家庭的溫暖感染「犀犀利」,由原本想侵略地球,變為建立真感情。他又自爆有貓癡朋友︰「佢哋好瘋狂,去旅行唔係買嘢畀自己,係買一大篋貓用品同食物。」

文:名人組

贊助商:

討論:
分享: