留守橫店作戰到底 劉心悠 蕭正楠深宮啜爆!


2017-07-03 07:00
上一則新聞: 江若琳 Oscar拍拖取經

 

藝人劉心悠處女下海接拍無綫劇集,並與蕭正楠(Edwin)合演情侶,劇中二人不乏Kiss戲份,但同聲表示零尷尬,Edwin笑言毋須向女友黃翠如「備案」!心悠與劇組相處近半年,對即將煞科感到不捨,Edwin更說眼見同劇演員先後煞科,與心悠打賭誰將會留守到最後一刻!

無綫劇集《宮心計2深宮計》於橫店的外景部分已接近尾聲,胡定欣、陳煒、周秀娜等已先後煞科返港,僅剩下馬國明、黃心穎、蕭正楠、劉心悠等少數演員趕工,基於當地天氣不穩定,經常下大雨,令拍攝進度稍為受阻,劇中演宮女的心悠,既要應付打戲及吊威吔,又要與Edwin談情,日前兩人便上演一場接吻戲。

吊威吔猛嗌好玩



面對名草有主的Edwin拍咀戲,心悠未感尷尬:「同Edwin有唔少類似戲份,好在唔係一開拍就拍,可以先培養默契,所以呢場Kiss戲,大家好快完成,冇NG,一Take過添!至於拍吊威吔好好玩,同平時拍電影吊威吔感覺好唔同,我一直想挑戰動作戲,都好期待出嚟嘅效果。(橫店拍攝順利嗎?)都可以,好搞笑,同啲演員鬥快殺青,我諗都係我同Edwin留到最後。」

與劇組相處多個月已建立友誼,煞科在即心悠坦言不捨,回港後她要出席活動及還廣告債,完成所有工作才有兩星期假期。

唔使向翠如備案



剛完成廿小時拍攝的Edwin,聲線疲倦的接受本報訪問,他透露劇中與心悠雖然有不少咀戲,但古裝劇不會很激情,問到可有向女友黃翠如「備案」?Edwin只說:「都只係蜻蜓點水多。(包尾殺青?)我同心悠鬥到最後,未知鹿死誰手,不過LadyFirst,我做最後都冇所謂啦!(返嚟可以休息吓?)冇啦!因為新劇《超時空男臣》月中播,到時都要宣傳,冇所謂,我都希望呢套劇喺暑假有好嘅收視。」

文:影視組

贊助商:

討論:
分享: