杜德偉玩穿越攬張繼聰父子


2017-07-05 07:00

跟蹤提及過的人和物:

上一則新聞: 葉德嫻勸許鞍華戒煙

 

張繼聰在社交網上載8歲時及其10歲兒子張瞻分別跟杜德偉(Alex)的「倒模」合照,驚見Alex如時空穿梭,竟可29年來容貌不老!「凍齡」的Alex自信能以現貌跟阿聰孫兒再影同一甫士的相,期待集齊張氏三代合照。

昨日張繼聰在社交網上載拼圖,見杜德偉(Alex)攬住兩個「張繼聰」合照,不過明顯一張是「過去式」,另一張是「現在式」。阿聰留言:「1988…2017(年),好有價值嘅一張照片,Alex哥哥,點解你可以keep住咁有型?下次邀請佢抱住我再影多次。」其實「現在式」的「張繼聰」是其10歲兒子張瞻,相片攝於前晚蘇永康兒子百日宴上,「過去式」才是張繼聰真身,當時他只得8歲。不過相片亮點是現年55歲的Alex,竟然29年來可不老!

想與張瞻兒子影相



昨日Alex在電話中笑不停,指前晚遇上「聰仔」(張繼聰)的兒子張瞻,突然記起當年曾跟童星聰仔合照:「係咪好搞笑呢?我捉住佢個仔,擺番同一個甫士影相,跟住send畀阿聰仔。」Alex清楚記得如何跟「聰仔」結緣:「做電台舞台劇,嗰時佢係小朋友,我就係做船長,都係1987、88年嘅事。」提到Alex長春不老,他重複兩次說「天生麗質」冇加工。可有信心keep住靚樣再跟阿聰孫仔再合照?他接受挑戰說:「好,希望張瞻早日搵到老婆啦,快啲生仔畀個機會我再同佢哋三代同堂,哈哈哈。」

讚「哥哥」音樂出色



至於阿聰在電話中大讚「Alex哥哥」:「佢好錫我哋班小朋友,我哋特別投契啦,佢有嚟探我,又嚟我生日會。我18、19歲入行時,佢喺台灣好多音樂又好又出色,影響到我鍾意R&B同做歌手,我喺酒廊唱歌都係唱佢啲歌。」,阿聰讚「Alex哥哥」樣貌從未變:「呢張相有錯覺,以為我冇變過,因為我同我個仔一樣樣,我都好期待再見到(Alex)影多次,擺埋同一個甫士。」

文:音樂組

贊助商:

討論:
分享: