蕭正楠色膽包天 阿田霸氣還拖


2017-07-17 07:00
上一則新聞: 為愛女貼地學上網 學友潮爆歌神唔怕老婆鬧「C6」

 

藝人蕭正楠與田蕊妮於無綫新劇再度合作,昨日於宣傳活動上玩到癲,竟要求有夫之婦阿田獻吻,阿田亦不甘示弱霸氣還擊,揚言要先致電其女友黃翠如,令阿蕭無力招架即時收口!及後阿蕭又與好兄弟曹永廉互相揶揄寸嘴,搞笑非常!

蕭正楠、田蕊妮、曹永廉、王君馨、朱晨麗、陳偉琪等昨日齊為無綫新劇《超時空男臣》宣傳,眾人大玩角色扮演,阿蕭先上演一場英雄救美,救助被男臣們調戲的阿田,抵死的阿蕭要求阿田獻吻以表謝意,轉數快的阿田不甘示弱,揚言要先致電其女友黃翠如,即令阿蕭招架不住「投降」。朱晨麗介紹角色時,表示羨慕同劇的楊詩敏在劇中被幾位男臣獻吻,阿廉見狀即口花花:「其實我哋都可以即場錫你o架!」認真抵死!

唱雙簧駁嘴互片



對於近日喪傳阿蕭的女裝造型照給翠如,阿廉笑言想翠如對男友加深了解:「若果安然度過,證明佢哋感情深厚,真愛勝過一切,我仲有幾張核突相,其中一、兩張係終極啲,幾變態,絕對會影響阿蕭前途,見佢依家上緊(位),唔希望打沉佢住。(露三點o架?)唔露點,但不堪入目,所以等到佢有機會威脅到我,就要佢一鋪清袋!」問到阿蕭可會反擊?他說:「佢咁樣仲恰佢?都人生低點,咪扶吓佢囉!」阿廉即駁嘴:「我覺得我依家係高峰喎!」

曹永廉先撩者賤



阿田對於被劇中三位男臣的搞笑戲份搶鏡,她說:「我就認真做,但拍嗰時阿廉成日引我哋笑,講完佢自己又忍唔住笑,終於喺佢身上明白咩係先撩者賤,佢笑點真係好低!(影響你NG?)係囉!我真係好驚,因為我嘅對白係三、四頁紙咁長,佢哋只係中間插一、兩句,我講緊對白佢哋又忍唔住笑,騷擾我,好在我經驗豐富鎮得住啫!」她又透露老公杜汶澤醉心廚藝,笑言大可在家設訂餐熱線賺番筆。

文:影視組

贊助商:

討論:
分享: