林峯爆拍拖歐遊千語騷證據


2017-07-26 07:00

跟蹤提及過的人和物:

上一則新聞: 陳婉衡孖簡淑兒遊泰不忘晒線

 

【戴穎怡廣州直擊】林峯與拍拖5年的吳千語被傳戀情又分又合後,昨日現身時表白對女友「七愛」情不變,更不惜自爆剛跟千語歐遊,千語亦即時配合男友,上載歐遊短片,此外,林峯不否認將女友名加入其豪宅,只澄清兩人未有同居。

藝人林峯將於9月23日舉行《HeartAttack林峯世界巡迴演唱會─廣州站》,昨日他到廣州出席巡唱記者會,透露是首次在內地開四面台的演唱會,又指將保留去年香港個唱上的舞台效果。林峯受訪時表示為個唱開始再操肌:「依家啲腹肌好隱約,要操番,進行地獄式訓練,嚟緊冇啖好食,同埋上次香港站我都操得幾Fit,今次唔可以輸蝕!」

避談豪宅加名



早前傳出林峯與吳千語幾個月前曾分手,千語戒夜蒲箍煲成功,林峯笑說不在港6、7個月仍受關注,曾連講七次愛千語的他,卻否認分手:「大家各有各忙啫。」力撐女友去夜蒲是正常社交:「唯一係冇帶我去囉!佢啲朋友我都識。(傳你爸爸唔鍾意佢?)我爸爸自己都唔知,佢哋成日食飯,OK嘅。」

問到千語是否已搬入其位於薄扶林、價值8千萬的豪宅嘉林閣?林峯否認說:「男女朋友探吓大家好正常,我哋各有各住,有自己空間。(層豪宅加咗佢名?)私人嘢唔講喇。」至於可有計劃結婚?他就指兩人現時工作為先。

去洗滌心靈



林峯之前在內地拍劇半年沒放過一日假,而期間千語則到橫店拍劇,他承認兩人聚少離多,記者笑言兩人會被寫成感情轉淡,他笑說:「佢肥咗又唔知會點寫喇!」即透露剛與千語及朋友到歐洲旅行一星期:「喺內地拍劇半年,有個目標會好過啲。(可以見女友?)主要係去洗滌心靈,揸車周圍去。」至於千語亦「好配合」林峯,昨日在社交網上載遊法國短片,大晒其性感藍色單肩泳裝及夜蒲片段,網民大讚她愈來愈靚。

贊助商:

討論:
分享: