周柏豪激咀連詩雅鹹到爆


2017-08-16 07:00

跟蹤提及過的人和物:

上一則新聞: 鄧兆尊最愛女友按摩

 

藝人周柏豪在新片與連詩雅有激吻戲,但他似乎不太享受,因為成場戲都好「鹹」!他又自爆患幽閉恐懼症。

周柏豪於新片《西謊極落:太爆.太子.太空艙》中分別與連詩雅(Shiga)及雨僑有咀戲,看似艷福無邊,但他表示與兩女Kiss感覺不一樣,與雨僑的雨中電話亭之吻,是向某齣經典電影致敬,但與Shiga的激情之吻則鹹味十足,他笑說:「場戲講我食緊米線,佢返嚟喊,當時我嘴入面有條春卷,佢啲眼淚又鹹,所以成場戲都好鹹囉!」

「靠父幹」樓換樓



戲中要住僅得太空艙般大的床位,柏豪指現實生活中不能接受:「戲入面做大咗個太空艙,真實會再細啲!如果要我住會好唔舒服,因為我有幽閉恐懼症,搭升降機耐啲都唔得。」

談到住屋問題,柏豪感激有位精明父親,皆因當年做模特兒賺過一筆,爸爸提議將酬勞交給他作投資,柏豪說:「我哋夾份買咗一個190幾呎單位,當時價值63萬,做到9成半按揭,仲平過一架車嘅首期!結果住咗一、兩年就升到90幾萬,之後賣咗換個再大啲嘅單位住。」

生於小康之家的雨僑則揚言想買樓:「諗住呢一、兩年買,到時父母會幫少少,我唔去旅行、唔買手袋,所以儲錢好有效率。」Shiga則說:「我同媽咪叫做有個地方住,當年父母分開要幫補屋企,想儲錢都難。」

文:影視組

攝:司徒國榮

贊助商:

討論:
分享: