「磁力王」米高吸住雅麗茜亞 下月結婚


2017-09-05 07:00

跟蹤提及過的人和物:

上一則新聞: 上東網知天下

 

現年40歲的後生版「磁力王」米高法斯賓達被爆將於下月迎娶28歲金像女星雅麗茜亞維嘉達,二人將會貫徹低調作風,在西班牙伊維薩島低調結婚!

荷里活型男米高法斯賓達(MichaelFassbender)與《丹麥女孩》(TheDanishGirl》女星雅麗茜亞維嘉達(AliciaVikander)於2014年合作拍攝電影《愛在海的邊緣》(TheLightBetweenOceans)而撻着。兩人一直將戀情低調,不過英國《太陽報》(TheSun)日前卻爆出他們計劃在下月拉埋天窗!

據稱婚禮將於西班牙著名度假勝地伊維薩島(Ibiza)的一間五星級酒店舉行,米高將會大灑金錢,務求給未來老婆一個最難忘的浪漫婚禮。由於該島消費高昂,估計米高要豪花數百萬英鎊,知情者透露:「婚禮派對嘅詳情依家係保密。賓客只係被通知要喺某一日去到伊維薩島,然後有人會接佢哋去酒店。米高今次好大手筆,婚禮將會係一個年度派對。」婚禮如此神秘,可謂貫徹二人的低調作風。

倫敦同居



其實米高與雅麗茜亞上月已被爆在倫敦同居,內幕人士爆料:「自從雅麗茜亞花好長時間留喺英國拍攝《新盜墓者羅拉》(TombRaider)後,她與米高已正式同居。米高從來唔會同女朋友同居,除非好認真深愛對方。雖然佢哋有好多地方都可以稱為『家』,但今次真係兩人嘅正式愛巢,所以覺得好開心。」

消息曝光後,雙方目前仍未有回應,但似乎都繼續玩神秘,因為雅麗茜亞去年受訪時曾表示不願披露感情事:「我諗我同米高都表示得好明確,只會將某些事留畀我哋自己知道。」米高亦相當配合:「我唔會跟一個陌生人談及私人生活。」

文:外娛組

贊助商:

討論:
分享: