陳曉東驚青光眼復發 腰斬生日會


2017-09-05 07:00

跟蹤提及過的人和物:

上一則新聞: 陳柏宇紅館騷校鬧鐘撲飛

 

再度活躍樂壇的陳曉東日前與粉絲搞生日會,有自稱「心碎的粉絲」向本報爆料,投訴當日付了入場費220元,事前表明有簽名環節,但東東只為部分粉絲簽名及合照後,以眼睛太累為由腰斬活動,更連道別都沒有,令粉絲傷心、難過,質疑東東早走是為了趕去另一個活動。

承諾補簽名



早前患急性青光眼的東東昨日接受電話訪問時解釋,因雙眼好辛苦,才被迫中止活動:「因為醫生提醒過我唔可以受太過強光,最驚復發就可能成世唔好!當時有啲頂唔順,開始睇嘢好濛,希望粉絲理解同體諒,我答應當日簽唔晒嘅粉絲,遲啲會幫佢哋補簽。」東東澄清當日並非趕往第二個活動,只是跟家人吃生日飯。而東東的經理人公司亦說:「其實可能係公司安排得唔好,搞出誤會,係公司擔心東東雙眼有乜閃失,所以就建議佢唔好繼續,冇畀佢同粉絲交代一聲,希望下次安排得妥當啲,唔好太過倉卒,希望各位粉絲見諒。」

李蕙敏想讀心理學



此外,東東昨日與李蕙敏(Amanda)出席慈善活動,東東透露生日會上收到一份特別禮物,是一個紅館模型,正頭痛如何運回北京,兩個女兒則畫畫、彈琴唱生日歌給他聽,令他甜到入心。

曾經想讀設計的Amanda坦言因財困而沒有報讀,反而機緣巧合做了歌手:「將來可以再進修嘅話,會選擇修讀心理學,原因係由演戲開始,就好有興趣想知要代入另一個角色同人格係點,加上細個想做警察,同好鍾意睇犯罪學電影。」

文:音樂組

贊助商:

討論:
分享: