JW暗寸黎明唔識捧人


2017-09-20 07:00

跟蹤提及過的人和物:

上一則新聞: 李思林爆老公蒲街市撩傾偈

 

有網友覺得歌手王灝兒(JW)有能力奪取女歌手金獎,昨日她受訪時坦言要再儲多些歌及經驗,自覺前年簽了新公司後才算真正入行,因早年在舊公司時只是parttime,似乎暗寸前老闆黎明唔識捧人!

歌手王灝兒昨日現身電台受訪,講到天后容祖兒之前預告今年將不出席頒獎禮,網友即提議衛蘭、JW、方皓玟等歌手可以接棒攞女歌手金獎。對此JW表示睇好衛蘭,但自己就未是時候:「我要儲多啲歌同經驗先,同埋我覺得轉咗新公司先算係真正入行,依家都只係兩、三年時間,仲要一段好長嘅路,我真心好支持佢。」

初踏紅館一場起跳



之前JW是黎明旗下藝人,難道不當在舊公司時期已入行?她說:「嗰陣我係parttime,仲要讀書,所以唔係入咗行7年咁耐。」言談間似乎暗寸黎明不懂捧人,令她不覺得已經入行!

JW透露近來忙做幾首新歌,希望可以趕在明年1月演唱會前推出,對於將首次踏足紅館舉行主題是「Nevertooearly」演唱會,她說:「啲人成日話nevertoolate,但我覺得有機會做紅館演唱會要珍惜,所以係nevertooearly去踏出嗰步。」現時她是興奮多於緊張,並多睇騷參考,場數方面,她說:「我都係向住一場個方向諗住先,如果唔係會好大壓力!」

唔賣火辣該凸就凸



JW預告個唱會有特別環節,會與舞蹈員跳勁舞,問到可會跳辣身舞?她說:「冇辣呀,因為啲歌係抒情啲。(男友唔畀跳?)唔係,我覺得自己跳唔出,我啲歌又冇辣身嘢,唔想特登為做而做,我又唔係走嗰個路線。(歌衫會性感?)唔會太性感,應要凸顯嘅會凸顯,應收埋嘅會收埋,可能會將我個人拉高啲!」

文:音樂組

贊助商:

討論:
分享: