余文樂升呢坐頭排搵尼馬集郵


2017-09-21 07:00

跟蹤提及過的人和物:

上一則新聞: 傻笑焗答應求婚 姚子羚唔當係真!

 

【陳嘉敏、劉智源倫敦直擊】型男余文樂以首位大中華區形象大使身份,出席在倫敦舉行的TommyHilfiger2017秋冬時裝騷,更升呢與新一代球王尼馬及F1賽車手咸美頓齊齊坐頭排睇騷。化身小粉絲的余文樂,當然不放過機會集郵!

藝人余文樂、巴西籍前鋒球星尼馬、韓國人氣男團EXO成員燦烈、倪晨曦(Elva)、台灣女星歐陽娜娜及歐陽妮妮等,於倫敦時間19日出席當地舉行的TommyHilfiger2017秋冬時裝騷。貴為品牌首位大中華區形象大使的余文樂坐頭排睇騷,同一行更有F1賽車手咸美頓(LewisHamilton)及以破世界紀錄的2.22億歐元(約20億港元)轉會費、從西甲豪門巴塞隆拿轉投法甲勁旅巴黎聖日耳門的球星尼馬,首次睇騷的余文樂趁機向二人集郵,他大讚尼馬球技了得,年輕又靚仔,兩人傾談了一會,談論倫敦有何美食和好去處。

家人冇催未定婚期



去年在社交網承認與台灣皮帶大王千金兼女星王棠云拍拖的余文樂,被問到何時有結婚計劃?他坦言:「結婚有諗,但未有答案。(點解?唔係已經有對象?)因為太忙,家人冇催我結婚。(有傳女友嘅爸爸有財務問題?)呢個問題我唔答喇!」余文樂更與品牌設計師TommyHilfiger見面,除分享共同興趣滑雪外,更教Tommy「我愛搖滾樂」的普通話,對於時裝騷中有馬戲團雜技表演及歌唱表演,他大讚精彩。而Tommy就直指余文樂是完美的TommyGuy:「佢靚仔又時尚,鍾意音樂、運動和車,同品牌風格好相似。(有睇過其電影?)當然有!」

恐襲陰影檢查手袋



此外,由於倫敦早前發生恐襲,所以賓客或媒體入場前都必須檢查手袋,惟未見持槍警員在現場守衞。已第三度欣賞倫敦時裝周的Elva,坦言當地發生完恐襲後,同晚便在港上機前往倫敦:「喺英國嘅朋友叫我唔使擔心,不過我都盡量少去多人嘅地方,只係行路或者坐大會安排嘅車。」又大讚余文樂有親切感,自己想推出瑜伽服裝品牌。

贊助商:

討論:
分享: