傻笑焗答應求婚 姚子羚唔當係真!


2017-09-21 07:00

跟蹤提及過的人和物:

上一則新聞: 禁區內外交收有規限

 

無綫劇集《燦爛的外母》演員薛家燕、黎諾懿、林嘉華、姚子羚及湯洛雯等昨日到天水圍一間老人中心與長者預祝中秋。前晚在節目《胡說八道真情假期》中,胡杏兒戴上姚子羚男友鄭子邦的面具向姚子羚求婚,並預演婚禮,令她哭笑不得地答應。姚子羚受訪時笑說:「電視嘅嘢大家唔好信,佢哋班衰嘢,趁我唔知印咗阿邦個樣出嚟,胡杏兒係幕後主腦,佢哋最勁係全程都唔笑,我就唔知點算喺度傻笑。(當答應咗求婚?)唔當,希望阿邦睇到唔會嚇親,佢睇完都冇乜嘢。(男友求過婚?)冇,班姊妹都係緊張我婚事,但目前為止都冇結婚打算。」剛巧活動上林嘉華又應劇情向姚子羚求婚,子羚認真搶手。

另外,薛家燕帶領長者大跳十字步掀全場高潮,她笑指去Disco也是跳十字步,最近在網上見歌手鄧紫棋與林欣彤跳十字步唱《皆大歡喜》,變成為新潮玩法。而湯洛雯對於妹妹在網上走紅,她笑說:「我捧紅咗佢,佢話有電影公司電郵搵佢拍戲,我都未有電影拍呀!不過個妹真係幾靚,身材又好。(細妹有冇興趣入行﹖)暫時冇,佢有興趣做KOL分享美容,但我覺得佢只係口裏說不。」

贊助商:

討論:
分享: