宣布BB出世!郭富城晒一家三口手指照


2017-09-22 12:37

跟蹤提及過的人和物:

上一則新聞: 洛興雅危機 究竟屬種族滅絕還是種族清洗?

 

天王郭富城今年突然結束鑽石王老五生涯,四月時迎娶國產網模方媛 (Moka) ,有傳當時Moka已懷有「城種」,可謂雙喜臨門!日前有報道指Moka於9月1日在養和醫院為老公生B,惟兩人及城城經理人都封口不提。至今日早上11時許,城城在社交網站上載一張一家三口手指相,正式宣布BB出世啦!

延伸閱讀:





向來都係單身貴族的城城身邊向來不乏女伴,不過佢感情生活就好神秘,甚少會公開認定女友身份。直至2015年12月那一夜,城城突然在微博上載咗一張拖手照並留言:「這樣開車要慢一點」,仲tag埋Moka,如此高調宣布戀情,天王都係第一次!

城城與Moka宣布戀情後一直恩愛非常,屢次傳出結婚消息,今年四月終於舉行婚禮!兩人在半島酒店的婚宴相當低調,只會筵開約十席,男、女家各佔三圍。而圈中人只有城城經理人小美、張智霖、I.T主席沈嘉偉以及排舞師Sunny Wong等朋友。

雖然有傳Moka婚禮時已懷有「城」種,但兩公婆一直絕口不提,但早前Moka不時穿高腰傘裙來遮掩漸漸隆起的肚皮,本刊上月又拍得Moka在女助手陪同下到柴灣拍攝大肚寫真,當日Moka身穿白色高腰連身裙,輕露事業線好吸睛,側面睇更見到巨肚大得誇張!

預產期為今個月的Moka,日前有報道指佢於9月1日在養和醫院誕下BB,惟兩公婆及城城經理人小美都封口不提。直至今日,城城突然在社交網興奮晒全家福,上載一張一家三口手指相,宣布BB出世!城城留言:「開心、微妙、感恩!我們仨!成長、家庭、守護!」還有一張「Welcome little one」字樣的圖片。不過BB係男係女?咁就要等城城爸自己公布啦!

 

延伸閱讀:

贊助商:

討論:
分享: