石詠莉絕處逢生感激小天使


2017-09-22 07:00

跟蹤提及過的人和物:

上一則新聞: 鄧達智未慣同居:要時間磨合

 

石詠莉在組合Freeze解散後單飛,惜成績未如理想,對於外界的冷嘲熱諷,令她曾萌生放棄做歌手的念頭,慶幸遇上「小天使」鄧健泓,令她學會創造機會!

歌手石詠莉(Sukie)最近推出第三張個人大碟。談到她於2007年以女團Freeze成員身份出道,於2012年組合解散後作個人發展,但外界反應未如理想,直至前年與未婚夫鄧健泓(Patrick)自資出首張個人Hi-Fi大碟,始獲大家認同,她坦言曾想過放棄:「單飛後嘅首隻EP成績唔太好,當時長期迷惘,出面又有負面聲音,慢慢冇工作做,惟有返大陸唱夜場酒吧騷搵錢,覺得歌手夢愈嚟愈遠,嗰陣諗不如將夢想擺埋一邊,做番啲正常工維生先,好彩有小天使出現,叫我唔好放棄,用雙手創造機會。」

無悔Freeze時期性感



談到Freeze時期走性感路線,問可有後悔?Sukie坦言新歌《再見一面》是其心聲:「可能以前有啲唔開心嘢,但呢刻望番已經過去咗,要Moveon做個更好嘅自己。(接受過去?)係呀,唔可以抹走,要接受以前唔成熟嘅決定,而以往經歷亦令我知要堅持做音樂,唔好推走夢想,依家好清楚自己想要咩。」

為男友學識煮食



談到與Patrick的戀情,Sukie坦言對方改變她不少:「以前唔識煮飯,知佢鍾意食就慢慢學。以前唔識付出,係同佢一齊後教識我好多。」談到最難忘對方為自己付出的事,她回想兩人自資做唱片前,曾向唱片公司敲門,但換來嘲笑及難聽的說話,當時心情跌進谷底:「我同佢講不如唔好出,留啲錢結婚,但佢話『結婚只係for你人生一晚,但唱片永遠陪住你,老咗可以講你嘅故事畀子孫聽』,我聽完好感動,一個男人咁為自己付出唔係必然,做Hi-Fi碟風險大,佢都肯願意陪我試。」

文:音樂組

攝:司徒國榮

服裝:RebeccaMinkoff

贊助商:

討論:
分享: