想親自設計婚紗 苟芸慧冇男友滋潤即病


2017-09-24 07:00

跟蹤提及過的人和物:

上一則新聞: 「佢責任上嘅態度好弱」 黎燕珊對前夫講嘢冇感覺

 

【陳嘉敏、劉智源米蘭直擊】藝人苟芸慧出席米蘭時裝周,此行與賽車手男友陸漢洋齊齊飛,之後二人分道揚鑣,沒有男友照顧及滋潤的她即時生病。夢想做設計師的她更表示想親自設計婚紗。

苟芸慧(苟姑娘)於米蘭時間22日現身Sportmax在當地舉行的2018春夏時裝騷,此行睇了幾場騷的她,表示印象最深刻的一場令她憶起當年參選華姐的情況:「其中一場騷有位模特兒行行吓發生小意外,隻鞋有問題,最後佢除咗對鞋行騷,我覺得佢好專業,臨場反應好好。記得當年選美都有突發事件,我病到連聲都開唔到,成個人好緊張,仲有一位佳麗突然喺樓梯仆倒,所以做呢行執生技巧好重要,選美時獲益良多,依家遇到突發情況會鎮定好多。」

聲線變沙啞



夢想當設計師的苟姑娘,早前修讀了一個珠寶設計課程,問到會否親自設計婚紗?她說:「都有諗過,但結婚好多嘢要處理,未必有時間,唔想話做但最後又做唔到。」她又指今次行程緊迫,每日工作十多小時而捱病了,連聲線都變得沙啞,她撒嬌指男友陸漢洋一離開身邊,自己就病倒!

另外,有「微博女王」之稱的內地女星姚晨,以Etro大中華區品牌大使身份出席品牌舉行的時裝騷,她以帥氣的造型上陣,同場還有內地藝人蔣夢婕及王麗坤,三人被安排坐在頭排看騷,騷後姚晨更被邀請到後台跟設計師會面。

贊助商:

討論:
分享: