撇甩許志安 梁漢文開騷 張衞健爆兄弟不和:佢哋做BIG FOUR為錢


2017-09-24 07:00

跟蹤提及過的人和物:

上一則新聞: 王賢誌低調慶結婚周年

 

歌手吳國敬、張衞健(Dicky)及蘇永康(阿公),將於十月在馬來西亞雲頂舉行演唱會,日前他們接受訪問時,談到Dicky與阿公今次飛甩BIGFOUR兩位成員許志安和梁漢文開騷,Dicky即指恨了很久才能擺脫他們,問到四人是否不和?Dicky即開玩笑說:「不嬲都冇和過,你問我點解?因為喺BIGFOUR之中,我同蘇永康就比較受歡迎少少,其實許志安同梁漢文就眼紅咗我哋好耐。佢哋做BIGFOUR就為錢,我哋就為友誼,只能講道不同不相為謀。」阿公則解釋其實BIGFOUR四兄弟做了幾十年朋友,但連「最強大腦」Dicky仍未想到能超越以往的演出呈現給觀眾,因此才暫時「分拆上市」以不同形式合作。

任觀眾魚肉



談到三人首次合作,他們直言揀歌最頭痛,因為要顧及馬來西亞觀眾的口味。阿公透露今次會特別抽五分鐘,現場選兩位觀眾分別合唱兩首經典歌,Dicky笑言會獻出三秒任幸運觀眾魚肉,阿敬即笑言:「我冇佢哋咁孤寒,會落台同觀眾Selfie同埋派黑膠碟!」問今次大家合作上可有摩擦?阿公即搞笑說:「普普通通啦,做完都唔知有冇Friend做!」

文、攝:音樂組

贊助商:

討論:
分享: