雷晴雯勁數表姨甥 沈震軒:多謝提醒


2017-09-26 07:00

跟蹤提及過的人和物:

上一則新聞: 蘇志威冇時間教舞

 

藝人雷晴雯(Winnie)原名雷穎怡,1995年加入無綫,曾在監製錢國偉促成下與姚樂怡及汪琳等組成「電波少女」,可是其後因母親患癌,她亦患抑鬱症及意外重傷,坐了兩年輪椅被迫退出演藝圈。近年她復出,並因沈震軒(Sammy)是其表姨甥,有不少同場機會。

「點帶你出嚟見人?」



Winnie接受本報專訪時坦言不喜歡被稱作「沈震軒表姨」,原來兩人早存芥蒂!她說:「佢曾經講過一句說話令我覺得好愕然,因此同佢鬧咗場大交!之前拍《喜愛夜蒲2》,我同導演錢國偉好熟,同場都好多朋友,傾以前嘅嘢傾到笑晒,但沈震軒就鬧我:『你成日嘻嘻哈哈,我哋係出嚟做嘢唔係出嚟玩,咁唔Pro(專業),你叫我點帶你出嚟見人呀?』但其實係錢國偉直接叫我嚟客串嘅。」

她坦言當初照顧Sammy,只因Sammy母親的一番話:「表姐叫我睇住佢,我都係重視親情先咁照顧呢個表姨甥。」最近Sammy舉行新歌發布會,她坦言獲對方經理人邀請撐場,卻被Sammy嫌棄:「我已經縮埋一二角,淨係直播畀我表姐睇,就算有記者想訪問我都婉拒咗。雖然現場沈震軒好友善,但後尾我短訊佢話表姐都好開心,佢竟然話我高調,話我影響佢,如果想支持佢就唔好再出現!」

幫手接網劇分文不收



Winnie愈講愈激動,邊喊邊講很羨慕沈震軒出騷時有家人支持。問到是否覺得表姨甥變質?她稱從無綫舊同事口中得知對方的態度有所轉變:「我聽到都唔開心,我善意提醒佢有其他人咁講,佢從來都唔覆我,反而我同佢經理人成日有交流,叫我幫手睇住沈震軒。早排我幫佢接咗套網劇,就算明知畀人話做壞行規,我都分文不收。」

對於表姨的控訴,Sammy透過短訊表示希望對方能低調支持他,又指不想多作回應,令表姨承受更大壓力:「多謝表姨的提醒,我會注意她的提醒,其他不多說,我覺得做好工作已經係報答家人同粉絲的最好證明。」

文:影視組

贊助商:

討論:
分享: