男友詐型!莊思明焗密實呻被家姐搶鏡


2017-09-28 07:00

跟蹤提及過的人和物:

上一則新聞: 麥貝夷恨到有拖拍

 

藝人莊思明(Lisa)被男友楊明詐型,指她似着泳衣出街,衣着過於性感後,昨日她出席活動時包到冚,即被同場低胸露「事業線」的家姐莊思敏搶「峰」頭,Lisa不是味兒地表示,已習慣被家姐搶鏡!

莊思敏(Jacquelin)昨日穿着DeepV裙與妹妹莊思明(Lisa)出席《apm星際光影之旅記者會》,大搶妹妹「峰」頭,問到Lisa會否介意被家姐搶鏡?她無奈地說:「都少少習慣啦!(男友楊明畀唔畀性感?)如果好性感會建議我畀佢睇吓先,試過一次畀佢問我咩嚟。(即刻換番密實啲?)係,之前好熱,我鍾意着啲Bodysuit,可能會露咗手臂同背脊位,但咁緊唔會走光嘅,佢就成日話我着泳衣出街!」

楊明嚴禁太性感



Lisa現時尚未找到合心水的物業,表示想找個有海景、私隱度高又不會太偏遠的地區,但暫時未有時間搵樓。中秋節將至,她透露會在工作中度過,而Jacquelin則說可能會找幾個單身女仔外出食飯慶祝:「呢啲日子有伴侶都會去拍拖,所以無謂打擾人。」曾傳過喜歡女仔的她直言不怕被誤會:「我都已經駁番長頭髮,你覺唔覺我溫柔咗,講嘢細聲咗。」

文:名人組

贊助商:

討論:
分享: