中環出更:徐立之教年輕人 先打工後創業


2017-10-03 07:00

跟蹤提及過的人和物:

上一則新聞: 中環出更:周伯展:人工智能未可取代醫生

 

愈嚟愈多年輕人嘗試創業,尋日喺一個論壇上見到港科院院長、香港大學前校長徐立之,佢都留意到呢種情況,甚至有人中學一畢業就已經創業,但佢覺得創業需要大量經驗,年輕人應該累積科技知識先好創業喎。

徐立之話創業者亦應先做打工仔去認識社會,事關將社會當做讀書時嘅模樣係大錯特錯喎!徐立之就解釋,因為社會競爭激烈,而且唔再有老師保護,睇嚟都係怕年輕人受傷喇!

學生選科功利錢大康話合理



講起近年嘅大學生選科,大多揀「神科」,浸會大學校長錢大康就話學生選科雖然功利,但以日後生活安定為目標係無可厚非喎。佢其後分析呢個現象,指出現時有六成大學生係佢哋家庭中第一代大學生,所以先會為追求向上流而選擇會計、律師等專業學科,而呢個情況同二戰後嘅美國類似咁話,仲話覺得唔需要作出改變添!

卓妮

贊助商:

討論:
分享: