《閨蜜睡房》:42吋長腿惹麻煩 連詩雅被誤會高傲


2017-10-05 07:00

跟蹤提及過的人和物:

上一則新聞: 張智霖 靚靚放閃 互餵雪糕籌款

 

擁有42吋長腿的連詩雅,天生一副模特兒身形,卻自小被誤會為高傲。感情路上,她學懂一段健康、正常的關係,一定要雙向發展,單向關係絕不能成事。

連詩雅(Shiga)應東網巨星邀請擔任新一輯「海馬牌床褥特約」《閨蜜睡房》節目的嘉賓,與閨蜜主持Kiwi傾吐不少鮮為人知的趣事。外表有點酷的Shiga可有被人覺得寸?她坦言這個誤會由中學開始已經存在,她說:「一嚟因為我嘅身高,我12歲就已經係依家嘅身高,加上我個樣好容易令人哋誤會,覺得我好高傲,好多時我唔出聲,其實係我怕醜、比較內向,人哋就會覺得我好似好惡,覺得我好似好巴閉、好靚,其實我從來冇咁嘅感覺,我只不過唔笑,其實冇乜嘢,只不過係冇表情。」

愛情要雙向



Shiga的新歌《不甘示弱》講述一段男女間的關係,她認為一段關係是需要互相忍讓,不能夠單方面完全去遷就對方,她坦言以前有過一些經歷,她說:「我就係完全麻木地去就晒一個人,但其實咁嘅關係唔正常囉,所以人大咗就會慢慢去搵個平衡。」她認為無論友情、愛情,甚至工作關係,大家都要互相扶持、互相付出努力,才能夠行得更遠、行得更加長久,她說:「一定要雙向,永遠唔可以係單向關係。」

節目中,Shiga還會玩吓有趣的快問快答環節,又自爆小時候的志願,究竟她想做咩呢?大家又想唔想知她的陪瞓私物是乜東東?記得逢星期五、六、日,坐定定睇實東網巨星,入房聽「蜜」偈啦!

文:音樂組

贊助商:

討論:
分享: