仔大十八變 許志安細個似女仔:街坊讚可愛


2017-10-06 07:00

跟蹤提及過的人和物:

上一則新聞: 甜美小公主黃翠如冠絕裙芳

 

已「入五」同為五十歲的歌手蔡一傑與許志安首次推出合唱歌曲,日前接受東網巨星節目《娛樂onShow》訪問,大談人生中的五個十年,及分享相識三十年的經過,安仔更自爆小時候曾被誤當女生的經歷。

蔡一傑及許志安同是參加新秀踏入娛樂圈,二人相識三十年,亦是已故歌手梅艷芳的愛徒,可算是識於微時,但二人早前才推出首度合唱作品《男藍》,令人耳目一新。日前他們接受東網巨星節目《娛樂onShow》主持俞詠文(Angela)及陳振安訪問,談及童年,許志安指音樂細胞源自哥哥的栽培:「我鍾意音樂其實係阿哥教我,佢成日畀歌我聽、彈結他,喺佢身上學到(音樂)。我以前音樂堂好低分,但係阿哥培養咗我嘅音樂興趣。」又直言自己並非注定做藝人,更自爆小時候被誤會是女生:「其實我好怕醜,出街會拖到阿媽實一實,試過有一次搭(車立),畀人誤會我係女仔,仲讚我好可愛。」

蔡一傑自細愛表演



相反,蔡一傑笑言自六歲起已能歌善舞:「我六歲好鍾意周圍郁,好細個聽BoneyM.嘅歌,又好鍾意表演,吸引人哋注意。」又表示對許志安的第一印象是十分內向,更笑言「仔大十八變」:「安仔係比較內向,當時佢唔係好多嘢講,所以我成日同佢講嘢,但依家大大吓,佢講嘢仲多過我。」此外,他們亦大談首度正式合作的經歷,想知道過程?立即Click入東網巨星收看《娛樂onShow》啦!

文:專案組

髮型:[email protected](蔡一傑)、Sei[email protected](許志安)

化妝:WillWong(蔡一傑)、MaggieLee(許志安)

https://goo.gl/Ri4sQp

贊助商:

討論:
分享: